अकेले धुनमें गाबि रहल छी !
के सुनतै हमर ई दर्द भरल खिस्सा ?
एहिसँ नचारी बनिक' नाचि' रहल छी !!
देखहो फुटि गेलै हमर कपार ,
आब कोना हेतै हमर सभक' बेरा पार ?
सब अपने धुनमें लागि रहल छी ,
एहिसँ नचारी बनिक' नाचि' रहल छी !!
सबठाँ छै मधेशी भाईसब परल ,
देखहो तोरो भाई छो मरल !
इएह सोनित के गाथा गाबि' रहल छी ,
एहिसँ नचारी बनिक' नाचि' रहल छी !!
भटैक गेल छा तू सब कोन बाट पऽ ?
किलोल करि रहल छो बुढ़िया माई खाट पऽ !
भड़कल भाई बन्धु के बुलाबि रहल छी ,
एहिसँ नचारी बनिक' नाचि' रहल छी !!
भेटतो नै अप्पन सभक' अधिकार ,
छिनबा नै जौले तू दिन देखार !
माँ मधेशक' पुकार सुनबि' रहल छी ,
एहिसँ नचारी बनिक' नाचि' रहल छी !!
___________________________________________
__.✍ एस के मैथिल
स्थान : जनकपुरधाम-१ सिता चौक,
