गज़ल ~ मित्रताके हाथ कनिक

मित्रताके हाथ कनिक, नरम हेबाक चाही !

आपतिमे हाथ कनिक, गरम हेबाक चाही !!

पापी मन मात्र पाप, सोंचिते रहि' जायत छै !
पापियोमे कहियो काल, धरम हेबाक चाही !!

असल मित्रके मात्र गपेटा नै, व्यबहार आ !
दु:खमे सहयोगी सन, करम हेबाक चाही !!

दु गो आत्माकें मित्रतामे, भरत सन भाइ आ !
प्रभु ! श्री रामचन्द्र जेहन, चरण हेबाक चाही !!

धनेश्वरकें इ हाथ अछि अगा, मित्रता लेल !
बस अहाँमें नै कनिको, भरम हेबाक चाही !!

________________________________________

__.✍ धनेश्वर ठाकुर 
धनुषाधाम - ४ लक्ष्मीपुर

हाल : दोहा, कतार