|| आएल राखी के त्योहार ||

आएल राखी  के त्योहार,
संग खुशील'य हजार !
जाएब भैया संग बाजार,
किनब समीज सलवार !!

थाड़ी आरती के सजाएब,
टीका माथा पर लगाएब !
अरिपन अंगना मे बनाएब,
ठाँव पीढ़ी हम सजाएब !!

राखी बान्हब भैया के हाथ,
मांगब जिनगी भरिक' साथ !
तरब तरुआ आ तिलकोर,
आओत आँखि मे हमरा नोर !!

बान्हब भैया हाथ मे राखिक' तार,
भैया जिबथि बरख हजार !
भाई बहिनिक' ई त्योहार,
सभ साल आबए खुशी ल'य हजार !!
_______________________________________________

__✍ नीरज मिश्र "मुन्नू"
झंझारपुर (भारत)